Wer schreib a Liad

(Text & Musik: Augustin Lehfuss – ©2007 Augustin Lehfuss)

I hätt so gern, dass Du für mi a Liad schreibst
Wie i´s für di ned schreiben kann
Wo alles drin steht, was i spür
Und was i ned so sagen kann
Wo jeder Beistrich stimmt, und die Grammatik nimmer gilt
Und jedes Wort und jeder Silbe, in alle Ewigkeiten zählt

Ich möchte, dass du für mi a Liad schreibst
So wie a G´schicht in an Roman
Wo immer all´s guat ausgeht
Und immer alle glücklich san
A happy end, mit sehr viel Kitsch, und voller Phantasie
Und I hab immer scho so g´hofft, des Liad des schreibst für mi

Wer schreibt a Liad
Wer schreibt a Liad
Wer schreibt a Liad für mi….

I möchte dass du für mi a Liad schreibt
Obwohl I Di no gar ned kenn
Und mir is klar, wie groß die G´fahr is
Das I mi irgendwo verrenn`
Und trotzdem g´spür i´s ganz genau, das Du da draußen wart´st auf mi
Und I hab soviel Angst davor, wie´s is du findts mi nie

Kumm schreib a Liad
Kumm schreib a Liad
Schreib doch a Lied für mi…..

Vielleicht fehlt da no da Titel – Vielleicht is´a no geheim
Oder fehlt da noch a Stroph´n – Und du find´st kann guaten Reim
Bitte mach Di an die Arbeit – Bitte gib jetzt no ned auf
Amoi muass da´s doch gelingen – Weil i wart scho so lang drauf

Ich möchte, dass du für mi a Liad schreibst
So wie a G´schicht in an Roman
Wo immer all´s guat ausgeht
Und immer alle glücklich san
A happy end, so wie im Film , und trotzdem voller Poesie
Und I hab so viel Angst davor, des Lied des schreibst Du nie
Wer schreibt a Liad
Wer schreibt a Liad
Wer schreibt a Liad für mi….